Mkali aliyekuwa golikipa wa Yanga na kujizolea umaarufu mkubwa akiwa katika timu hiyo Ponda Mali a.k.a Mensah, kwa sasa mkali huyo ameibukia upande wa pili baada ya kustaafu kucheza mpira na kwa sasa rasmi yuko katika kiwanda cha muziki wa Bongo Flava.
Vanilla, Ponda Mali Mensah na BJ.
Mensah ameanzisha kundi ambalo liko chini yake akiwa yeye ndiye kiongozi akiwaongoza vijana wawili mmoja akifahamika kwa jina la Bj na Vanila na kuunda kundi la P.Star.
Mpaka sasa kundi hilo limesharekodi ngoma sita katika studio kubwa tofauti tofauti hapa Tanzania ikiwa ni pamoja na kwa KGT Shadidi, ngoma nyingine zimefanywa na mtayarishaji Makene katika studio za AM Records, ngoma nyingine zimefanywa kwa Baba Isa.
(Kuanzia Mbele Bj, Vanilla na Mensah).
Ngoma ambazo zimesharekodiwa ni pamoja na My queen, Ipo siku, Rudi kwake, Nasikitika, Baby Sweet na Nikubalie ngoma zote zikiwa ni za mapenzi. Kwa sasa kundi hilo lipo katika maandalizi ya kufanya video kwa ajili ya ngoma ili ziweze kuonekena katika vituo mbali mbali vya televisheni.
Wiki hii wanatarajia kuanza kuachia ngoma mbili ikiwemo My queen na Ipo siku.
(Kutoka mbele ni Bj, Vanilla na Ponda Mali Mensah)
