Kituo cha Televisheni cha Channel ten cha jijini Dar es Salaam, kimeanza rasmi kurusha matangazo yake kupitia masafa ya DSTV, ambayo inamilikiwa na Kampuni ya Multichoice ya Afrika Kusini.
Uzinduzi wa ushirikiano huo umefanyika jana usiku katika kiota cha burudani cha Nyumbani Lounge jijini dar es salaam ambapo hivi sasa vipindi vyote vya Channel ten vinaonekana kupitia DSTV katika masafa namba 292.
Akizungumza kwa niaba ya Kampuni ya Afrika Media Group Ltd inayomiliki Channel Ten, Meneja wa Vipindi Bw. NICK NGONYANI alisema ushirikiano huo unalenga kuboresha utoaji huduma za matangazo hasa katika kipindi hiki ambacho Tanzania imehama kutoka mfumo wa analogia kwenda mfumo wa digitali.
Aidha Meneja uhusiano wa Multichoice Tanzania Barbara ( Babra) Kambogi alisema kuingia kwa Channel ten katika DSTV kumepanua idadi ya Channel za Tanzania ambazo sasa zinaonekana kimataifa.
