Azam Tv kupitia chaneli yake ya Sinema Zetu leo Jumanne 19/4/2016 imezindua rasmi mradi wake unaojulikana kama “Kiwanda Cha Filamu”.msamimzalishaji
Akiongea mbele ya waandishi wa habari meneja mauzo na masoko wa Azam Bw. Kiwanga Mgope amesema lengo la kuu la mradi huu ni kukuza na kuinua vipaji vya wasanii toka nchini ambao bado hawajapata fursa yakuonyesha kazi zao katika jamii. Washiriki wa mchakato huu ni kuanzia umri wa miaka 18 na kuendelea.
Naye mzalishaji na msimamizi wa mradi huu Zamaradi Nzowa amesema Usahili utakuwa ni wa siku nne, Usahili wa kwanza ni siku ya Jumatano wiki hii ya tarehe 20 Aprili pale Coco Beach kuanzia saa 3 asubuhi, usahili huo utawashirikisha washiriki zaidi ya 200 ambao tayari wanajua kuwa kesho watakutana, Washiriki watapimwa viwango vya vipaji vyao kupitia script ya kazi ambayo imekwishaandaliwa.
Majaji katika usahili huo atakuwa msanii maarufu na mkongwe katika tasnia ya uigizaji Bi. Susan Lewis almaarufu Natasha akiwa na Bw. Issa Mbura msanii muigizaji aliyejipatia umaarufu katika filamu ya “Home Coming” ambae pia ni Muhadhiri msaidizi wa Chuo Kikuu cha Dar es salaam katika sekta ya luninga na filamu na kuwa mwalimu wa uigizaji na utayarishaji wa filamu. Katika siku za usahili atakuwepo jaji mmoja mualikwa hivyo kufanya idadi ya majaji kuwa watatu.
Washiriki ambao watashiriki kupata nafasi ya uigizaji na cameraman wamepatikana baada kutakiwa kutuma kazi zao kwa whatsapp namba iliyokuwa imetolewa, washiriki hawa ni kutoka nchi nzima.
Kiwanda cha Filamu kinatarajia kupata washindi 20 waigizaji na wapiga picha za video 2, washindi hawa watapata fursa ya kuonekana katika tamthilia mahiri na itakayo washirikisha wasanii maarufu katika sekta ya uigizaji Tanzania chini ya chaneli ya Sinema Zetu. Tamthilia hii inatarajiwa kuanza kutengenezwa rasmi mnamo mwezi Mei mwaka huu na kuzinduliwa mwezi Julai mwaka huu, filamu hiyo itaitwa TAXI ambapo dereva wa Tax hiyo wananchi watapewa nafasi ya kukisia dereva ni nani, na inasemekana kwamba ni mtu maarufu..
Washindi hao 20 waigizaji na cameraman 2 watapata fursa yakupata elimu zaidi juu ya vipaji vyao kabla yakuanza kushiriki kwenye tamthilia hiyo.
Pia wakati wa kufanyika filamu hiyo kutakuwa kukirekodiwa matukio yote yanayokuwa yakiendelea wakati kurekodo yani behind the scene ikifahamika kama “Kiwanda Kiwandani”
Uhondo wote unapatikana kupitia chaneli ya Azam kupitia chaneli ya Sinema Zetu kupitia vifurishi vyetu vipya ambavyo ni Pure 15,000, Plus 23,000 na Play 28,000 ambapo pia unaweza kupata kuona Azam Sports HD ndani ya vifurishi hivyo.
